Իրանի իշխանությունները հավանություն են տվել Remdesivir-ի օգտագործմանը կորոնավիրուսի դեմ պայքարում

Տեղական արտադրության հակավիրուսային դեղամիջոցը`Remdesivir-ը երեքշաբթի սկսել է մատակարարվել Իրանի հիվանդանոցներ` կորոնավիրուսով հիվանդներին բուժելու համար. այս մասին հայտնել է երկրի Առողջապահության նախարար Սաիդ Նամաքին. հայտնում է «ՌԻԱ Նովոստին»։

«Աշխարհում COVID-19 հիվանդության համար դեռևս հուսալի դեղամիջոցներ չկան, բայց Ռեմդեսիվիրը և Ֆավիպիրավիրը երկու դեղեր են, որոնք մեր գործընկերներից շատերը նշանակում են, հատկապես Remdesivir- ը, որի արդյունավետությունը կարևորվել է ԱՄՆ-ում և Եվրոպայում». լրագրողներին հետ զրույցում նշել է նախարարը:

Ինչպես հայտնում է գործակալությունը, անցյալ շաբաթ օրը Առողջապահության նախարարությունը Remdesivir- ը ներառել է Իրանում լիազորված դեղամիջոցների ցանկում և հաստատել դրա օգտագործումը: Դեղը արտադրվում է երկրի ներսում տեղի մասնագետների կողմից: Ըստ նախարարի՝ երեքշաբթի օրը Իրանի իշխանությունները սկսել են տարածել դեղը և արդեն իսկ բժշկական հաստատություններին և հիվանդանոցներին բավարար Remdesivir են տրամադրել՝ կորոնավիրուսով հիվանդներին բուժելու համար:

Առողջապահության նախարարը նշել է, որ տեղական արտադրված դեղամիջոցը շուկա կգա հաջորդ շաբաթ: