Ռուսաստանի ԱԳՆ-ն ԱՄՆ-ն մեղադրել է Վրաստանի նկատմամբ կողմնակալության մեջ

Ռուսաստանի արտաքին գործերի նախարարությունը կարծում է, որ Միացյալ Նահանգները պաշտպանում է Վրաստանին Ռուսաստանի, Հարավային Օսիայի և Աբխազիայի սահմանին տեղի ունեցած միջադեպերի ժամանակ։

Նախարարությունը կարծում է, որ ամերիկացիները, ավանդական ձևով, պաշտպանում են Վրաստանին՝ առանց հասկանալու կատարվածի էությունը և մեղադրում են Մոսկվային և Ցխինվալին:

«Այս ամենը առնվազն խաթարում է Վաշինգտոնի դիրքերը՝ որպես ժնևյան քննարկումներին անաչառ մասնակից», - ասված է ԱԳՆ-ի հայտարարության մեջ:

Նշենք, որ պետությունների սահմանին միջադեպ էր տեղի ունեցել, երբ վրացի քաղաքացին փորձել էր անցնել սահմանից այն կողմ, սակայն նրա վրա կրակել էին և ձերբակալել։