Սիրիայի ԱԳՆ-ն մեղադրել է ԱՄՆ-ին Իրանում իրավիճակն ապակայունացնելու մեջ

Սիրիայի ղեկավարությունը վճռականորեն դատապարտում է Վաշինգտոնի դիրքորոշումը` կապված Իրանում բողոքի ակցիաների հետ, և համարում է, որ դա ուղղված է տարածաշրջանում իրադրության ապակայունացմանը. հայտնում է РИА Новости-ն` Սիրիայի ԱԳՆ-ի հաղորդագրությանը հղումով:

Ավելի վաղ` երկուշաբթի, ԱՄՆ նախագահ Դոնալդ Թրամփը հայտարարել էր, որ Իրանում փոփոխությունների ժամանակն է:

Սիրիայի ԱԳՆ-ն նաև հայտարարել է, որ «Սիրիան լիովին աջակցում է Իրանին և կոչ անում հարգել Իրանի  ինքնիշխանությունը ու չմիջամտել նրա ներքին գործերին»:

«Սիրիան համոզված է, որ Իրանը` կառավարությունը, ղեկավարությունը և ժողովուրդը, կկարողանա հաղթահարել տեղի ունեցող իրադարձությունները»,- ասվում է փաստաթղթում: