ՌԴ-ն կհակազդի ՄԱԿ-ի ԱԽ-ով մանիպուլացնելու փորձերին

Ռուսաստանը կհակազդի Իրանի միջուկային ծրագրի հարցով Գործողությունների համատեղ համապարփակ ծրագրի շուրջ իրավիճակի հետ կապված ՄԱԿ-ի ԱԽ-ով մանիպուլացնելու փորձերին. այս մասին գրում է ՏԱՍՍ-ը՝ ՌԴ ԱԳ նախարար Սերգեյ Լավրովը Իրանի ԱԳ նախարար Մոհամադ Զարիֆի հետ հանդիպումից առաջ արված հայտարարությանը հղումով։

Լավրովը, մասնավորապես, նշել է. «Մենք մտադիր ենք հստակ հակազդել ՄԱԿ-ի ԱԽ-ով մանիպուլացնելու եւ հակաիրանական օրակար առաջ տանելու փորձերին: Գործողությունների համատեղ համապարփակ ծրագրի շուրջ իրավիճակը մտահոգություն է առաջացնում: Որոշ իրադարձություններ են տեղի ունենում Վիեննայում (Ատոմային էներգիայի միջազգային գործակալության խորհրդի նիստը)»։ 

Միևնույն ժամանակ Լավրովը լիահույս է, որ բանակցությունների ընթացքում կողմերը կկարողանան քննարկել հետագա համագործակցության հեռանկարները Աստանայի ձևաչափի շրջանակում և երկկողմ համագործակցության հարցերը՝ վերջին հանդիպումների ժամանակ ձեռքբերված համաձայնություններին համապատասխան: