Եթե Թուրքիան խախտի մեր իրավունքները, շատ լուրջ հետևանքների կբախվի. Միցոտակիս

«Թուրքիայի և Լիբիայի միջև ձեռք բերված համաձայնագիրը ուժ չունի։ Եթե Թուրքիան մեր ինքնիշխան իրավունքների դեմ որևէ փորձ կատարի, շատ լուրջ հետևանքների կբախվի։ Թուրքիայի դիմաց միայն Հունաստանը դուրս չի գա, այլև Եվրոպան», - այս մասին հայտարարել է Հունաստանի վարչապետ Կիրյակոս Միցոտակիսը։

Հույն պաշտոնյան նշել է, որ թուրք-լիբիական համաձայնագիրը, որը խախտում է հույների իրավունքները Միջերկրական ծովում, ուժ չունեն՝ ի տարբերություն Հունաստանի և Իտալիայի միջև կնքված համաձայնագրի։

Միցոտակիսը հույն-թուրքական հարաբերությունները բարդ է անվանել և հույս հայտնել, որ դրանք կկարգավորվեն երկխոսության միջոցով։

Նշենք, որ 2019 թ. նոյեմբերին Թուրքիայի և Լիբիայի կառավարության (Լիբիայի մի մասը վերահսկող, ոչ լիիրավ) միջև համաձայնագիր էր ստորագրվել, որով խախտվում էր Հունաստանի և Կիպրոսի ջրային տարածքները։ Թուրքիայի գործողությունները քննադատվել էր ԵՄ-ի և մի շարք այլ պետությունների կողմից, սակայն Թուրքիան ցօրս շարունակում է ապօրինի գործողությունները։