Իսրայելի հետ համագործակցության գինը շատ ծանր է լինելու. ակտիվիստներ

Ամերիկաբնակ քաղաքագետ, իրավաբան Ռոբերտ Մարգարյանը գրում է.

«Մի խումբ ուսանողներ Թեհրանում համախմբվելով ՀՀ դեսպանատան դիմաց արձագանքել են Իսրայելում դեսպանատուն բացելու Հայաստանի կառավարության ընդունած որոշմանը:

Իրանում Հայաստանի Հանրապետության դեսպանատան մոտ բողոքի ակցիա կազմակերպած իրանցի ուսանողների 30-հոգանոց փոքրաթիվ խումբը այրել է Իսրայելի դրոշը Հայաստանի իշխանություններին կոչ անելով վերանայել Իսրայելում դեսպանատուն բացելու որոշումը։

Բողոքի ակցիայի մասնակիցները կրել են պաստառներ որոնց վրա գրված է եղել «Իսրայելի հետ համագործակցության գինը շատ ծանր է լինելու»:

Բողոքի ակցիային անդրադարձել են Իրանի պետական հեռուստատեսությունը և գլխավոր լրատվամիջոցները»: