ԱՄՆ-ն զանգվածային պատժամիջոցներ է սահմանել Իրանի նավատորմի դեմ

Վաշինգտոնը զանգվածային ոչնչացման զենքի տարածման դեմ պայքարի համատեքստում հայտարարել է լայնածավալ պատժամիջոցների կիրառման մասին «Իրանի նավագնացության գծեր» խմբի և նրա դուստր ձեռնարկության դեմ. այս մասին հայտարարել է ԱՄՆ պետքարտուղար Մայք Պոմպեոն:

«Շանհայում գրանցված «Իրանի նավագնացության գծեր» (IRISL) և նրա դուստր ձեռնարկության (E-Sail) դեմ պատժամիջոցները ուժի մեջ են մտել այսօր», - նշել է Պոմպեոն:

Նա բացատրել է, որ սահմանափակումները կիրառվել են ԱՄՆ նախագահի հրամանագրի հիման վրա՝ զանգվածային ոչնչացման զենքի տարածման դեմ պայքարի շրջանակներում:

«IRISL- ը բազմիցս տեղափոխել է իրանական հրթիռային և ռազմական ծրագրերին առնչվող ապրանքներ», - ասել է Պոմպեոն: Բացի այդ, ամերիկացի պաշտոնյան ընդգծել է, որ  ընկերությունը երկար ժամանակ տեղափոխել է ապրանքներ, որոնք գտնվում են միջուկային ոլորտի հսկողության տակ: