Նյու Յորքի իշխանությունները ոստիկանական համակարգի բարեփոխումներ են խոստացել

Նյու-Յորքի քաղաքապետ Բիլ դե Բլազիոն հայտարարել է ոստիկանական համակարգում մի շարք բարեփոխումներ իրականացնելու մասին՝ աֆրոամերիկացի Ջորջ Ֆլոյդի մահվան հետևանքով երկրում սկսվածշարունակական անկարգությունների ֆոնին. այս մասին հայտնում է CBS-ը։

Քաղաքում, ոստիկանության ֆինանսավորման մի մասը նախատեսում են ուղղել երիտասարդության հետ աշխատանքին։

Քաղաքապետի խոսքով՝ իշխանությունները կենտրոնանալու են երիտասարդների ամառային գործունեության վրա: Նրա կարծիքով, անհրաժեշտ է, որ երիտասարդությունը գիտակցելով հասնի դրան, այլ ոչ թե ենթարկվի ոստիկանության միջոցառումների շնորհիվ:

Միևնույն ժամանակ նա հավելել է՝ բոլոր միջոցները ձեռնարկվելու են ՝ քաղաքում անվտանգությունն ապահովելու համար:

Հիշեցնենք, որ մայիսի 25-ին Մինեապոլիսի ոստիկանները բռնել էին աֆրոամերիկացի Ջորջ Ֆլոյդին։ Ձերբակալելու պահին ոստիկանը տղամարդուն պառկեցրել է գետնին ու ծնկով սեղմել է նրա վզին։ Անտեսելով տղամարդու շնչել չկարողանալու մասին փաստը՝ ոստիկանը հրաժարվել է նրան բաց թողնել, ինչի հետևանքով Ֆլոյդը մահացել է: