Լուկաշենկոն հայտարարել է Աստծո շնորհիվ կորոնավիրուսի հաղթահարման մասին

Բելառուսի նախագահ Ալեքսանդր Լուկաշենկոն հայտարարել է երկրում կորոնավիրուսով պայմանավորված համավարակային իրավիճակի բարելավման մասին և կանխատեսել կորոնավիրուսի դեմ հաղթանակը. գրում է «ԲԵԼՏԱ» գործակալությունը։

«Եթե այսպես շարունակվի, ապա մենք կհամարենք, որ Աստծո շնորհիվ հաղթահարել ենք այս հիվանդությունը։ Այն սկսվել է Վիտեբսկից։ Վիտեբսկը արդեն նշում է, որ նրանք հիվանդացության դեպքերում ամենաստորին հորիզոնականներում են», - հայտարարել է Լուկաշենկոն։

Ըստ նրա՝ նմանատիպ իրավիճակ է նաև Միսնկում։ Մոտ ժամանակներս իշխանությունները պատրաստվում են վերացնել մի շարք սահմանափակումներ։

Հիշեցնենք, որ Բելառուսում կոշտ սահամանափակումներ չեն գործում։ Լուկաշենկոն դա բացատրել է տնտեսական պատճառներով, իսկ աշխարհում վարակով պայմանավորված իրավիճակը անվանել «փսիխոզ»։ Երկրում գրանցվել է վարակման 36198 դեպք՝ 199 մահվան ելքով։