Թրամփն իր ամբողջ աշխատավարձը փոխանցում է կորոնավիրուսի դեմ պայքարին

ԱՄՆ նախագահ Դոնալդ Թրամփը հայտարարել է, որ տարեկան 400-ից 450 հազար դոլար կազմող իր ամբողջ աշխատավարձը փոխանցում է կորոնավիրուսի դեմ պայքարին. այս մասին գրում է ՏԱՍՍ-ը:

«Ես տարեկան 400-ից 450 հազար դոլար իմ ամբողջ աշխատավարձը կառավարությանն եմ տալիս եւ ամենասկզբից էլ տվել եմ: Վերջին չեկը [փոխանցվել է] COVID-ին (կորոնավիրուսի առաջացրած հիվանդություն) արձագանքմանը ԱՄՆ առողջապահության նախարարության եւ սոցիալական ծառայությունների ջանքերի համար: Սա մեծ պատիվ է»,- իր Twitter-յան միկրոբլոգում նշել է ԱՄն նախագահն ու կից ներկայացրել հղումն այն տեղեկությանը, ըստ որի՝ ինքը այս տարվա առաջին եռամսյակի իր ամբողջ աշխատավարձը՝ 100 հազար դոլար փոխանցել է կորոնավիրուսի դեմ պայքարում դեղերի մշակմանը:

Հիշեցնենք՝ ըստ Ջոն Հոփքինսի համալսարանի տվյալների, ԱՄՆ-ում գրանցվել է կորոնավիրուսով վարակման ավելի քան 1,64 մլն դեպք, մահացել է 97,7 հազարից ավելի մարդ: