Դոնալդ Թրամփն իր եռամսյակային աշխատավարձը նվիրաբերել է կորոնավիրուսի դեմ պայքարին

ԱՄՆ նախագահ Դոնալդ Թրամփը 2019 թվականի չորրորդ եռամսյակի իր աշխատավարձը՝ ընդհանուր առմամբ՝ 100.000 ԱՄՆ դոլար, նվիրաբերել է նոր տեսակի կորոնավիրուսի՝ COVID-19-ի դեմ պայքարին. այս մասին իր թվիթերյան պաշտոնական միկրոբլոգում տեղեկացրել է Սպիտակ տան մամուլի քարտուղար Ստեֆանի Գրիշեմը՝ կից հրապարակելով նաև գումարի ստացականը. հայտնում է Yerkir.am-ը:

Նշվում է՝ կտրոնը դուրս է գրվել ԱՄՆ առողջապահության նախարարի քարտուղարության անունով։

Հիշեցնենք՝ այս պահին ԱՄՆ-ում կորոնավիրուսով վարակված է 127 մարդ կա, որից 9-ը մահացել են, իսկ 8-ն՝ առողջացել:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: