Լիբիայի ազգային բանակը հայտարարել է խոշորագույն ռազմաօդային գործողության նախապատրաստման մասին. թիրախը Թուրքիան է

Լիբիայի ՌՕՈւ-ի հրամանատար Սաքր ալ-Ջարուշին հայտարարել է Լիբիական ազգային բանակի կողմից երկրի պատմության մեջ խոշորագույն ռազմական գործողության անցկացման պատրաստության մասին. հայտնում է «ՏԱՍՍ» գործակալությունը։

«Մոտ ժամանակներս դուք ականատես կլինեք օդային խոշորագույն գործողությանը։ Մոտակա ժամերը կդառնան տանջալի խելագառի (հավանաբար նկատի ունի Լիբիայի ազգային համաձայնության կառավարության ղեկավար Ֆաեզ Սարաջը) և նրա դաշնակիցների համար։ Լիբիական բռնազավթված քաղաքներում Թուրքիայի օբյեկտներն ու հետաքրքրությունները համարվում են օրինական թիրախներ լիբիական բանակի ինքնաթիռների համար

Նշենք, որ 2011 թվականին երկրի առաջնորդ Մուամմար Քադդաֆիի գահընկեցությունից և սպանությունից հետո երկիրն ընկղմվել է քաղաքացիական պատերազմի մեջ։ Լիբիան բաժանված է Ֆաեզ Սարաջի և ԼԱԲ-ի հրամանատար Հալիֆե Հաֆթարի միջև։