Վստահ եմ՝ այն կծառայի կազմակերպության բարձրագույն շահերին. ԱՀԿ ղեկավարը հեռանում է

Առևտրի համաշխարհային կազմակերպության գլխավոր տնօրեն Ռոբերտու Ազավեդուն հաստատել է վաղաժամ պաշտոնաթողության լուրերը.  այս մասին հայտնել է կազմակերպության անդամ-երկրների պատվիրակությունների ղեկավարներին։

Նշվում է՝ նա կհեռանա օգոստոսի 31-ին՝ պաշտոնավարման երկրորդ ժամկետը կրճատելով ուղիղ 1 տարով։ 

Նա հավելել է՝ որոշումը հեշտ չի կայացրել։ Ըստ նրա՝ դա անձնական և ընտանեկան որոշում է։

«Վստահ եմ՝ այն կծառայի կազմակերպության բարձրագույն շահերին»,- ասել է նա՝ հստակեցնելով, որ պատճառն առողջական խնդիրները չեն կամ էլ քաղաքական հաշվարկները։

Հիշեցնենք՝ ավելի վաղ կազմակերպությունը հայտնել էր, որ կորոնավիրուսային պանդեմիայի ֆոնին համաշխարհային տնտեսությունը կարող է ընկնել 1/3-ով։