ՈՒհանում կորոնավիորւսակիրների թիվը դարձյալ աճում է

Չինական Ուհան քաղաքում, որը համարվում է կորոնավիրուսի համավարակի էպիկենտրոնը, մայիսի 10-ին հայտնաբերվել է վարակման 5 նոր դեպք։ Տևական դադարից հետո քաղաքում արդեն երկրորդ օրն անընդմեջ (նախորդ օրը՝ 1 դեպք) գրանցվում են տեղային բռնկումներ. այս մասին հայտնում է Korrespondent-ը՝ Հուբեյ նահանգի առողջապահական հարցերով կոմիտեի տարածած հաղորդագրությանը հղումով. հայտնում է Yerkir.am-ը։

Նշվում է՝ ավելի քան 1 ամիս քաղաքում վարակման դեպքեր չէր գրանցվել։

Վերջին օրում Չինաստանում հայտնաբերվել է  17 վարակակիր, որից 5-ը՝ Ուհանում։

Հիշեցնենք, որ ապրիլի 4-ից հետո քաղաքում նոր դեպքերի մասին չէր հաղորդվել, իսկ ապրիլի 26-ին հիվանդանոցից դուրս էր գրվել COVID-19-ով վերջին հիվանդը։