Շնորհիվ լաբորատորիական ցանցի ընդլայման` օրական 1000 թեստավորում անելու հնարավորություն ունենք. Նանուշյան

Շնորհիվ նրա, որ այսօր ընդլայնվել է լաբորատորական ցանցը, մենք հնարավորություն ունենք օրական կատարել մոտ 1000 թեստավորում՝ ըստ Yerkir.am-ի ասաց ՀՀ առողջապահության փոխնախարար Լենա Նանուշյանը  մամուլի ասուլիսում։

«Առողջապահության նախարարությունը շարունակում է իր ընթացիկ աշխատանքները կորոնավիրուսային հիվանդությունների ախտորոշումներով: Փորձում ենք բոլոր հնարավոր ճանապարհներն օգտագործելով ավելացնել մեր թեստավորման ենթակա խմբերը և բոլոր այն ռիսկային խմբերը, որոնք հնարավոր է ունենան կորոնավիրուսային հիվանդություն, թեստավորվում են»,- ասաց նա:

Լենա Նանուշյանի խոսքով՝ չնայած սահմանափակումների որոշակի վերացմանը, բնակիչները պետք է վարքագծային փոփոխություններ իրականացնեն:

«Հակառակ դեպքում մենք չենք կարողանա պահպանել դեպքերի նվազ քանակը, ինչը մենք ունենք վերջին օրերին: Կոչ եմ անում մեր բնակիչներին պահպանել սոցիալական հեռավորությունը, հաճախակի լվանալ ձեռքերը, այլ անձանց հետ փորձեք շփումները բացառել: Եթե բոլորս հետևենք կանոններին, կկարողանանք կանխել վարակի թվերի աճը մեր երկրում»,-ընդգծեց նա:

Առողջապահության փոխախարարը նաև նշեց մայիսի 1-ի ժամը 11:00-ի դրությամբ մեր երկրում հաստատված կորոնավիրուսային հիվանդության պատկերը․ ընդհանուր՝ 2 148 դեպք, որոնցից 977-ն` առողջացած: Կորոնավիրուսային հիվանդությամբ այս պահին փաստացի բուժում է ստանում 1 136 պացիենտ: Կատարվել է 22 177 թեստավորում: Ընդհանուր առմամբ, կորոնավիրուսային հիվանդությունից արձանագրվել է մահվան 33 դեպք:

Մանրամասն՝ տեսանյութում․