ՏԵՍԱՆՅՈՒԹ․ Ես կոչ եմ անում, որ նախագահ Թրամփը միանա մեզ․ սենատոր Մենենդեսը՝ Ցեղասպանության 105-րդ տարելիցի առիթով

ԱՄՆ սենատոր Ռոբերտ Մենենդեսը տեսաուղերձ է հրապարակել Հայոց ցեղասպանության 105-րդ տարելիցի առիթով՝ հայտնում է Yerkir.am-ը։

«Ես հպարտ եմ՝ միանալու բոլոր նրանց,  ովքեր Նյու Ջերսիում և աշխարհի տարբեր անկյուններում ոգեկոչում են Հայոց ցեղասպանության տարելիցը։

Ես հպարտ եմ ասելու, որ առաջադրել եմ Հայոց Ցեղասպանությունը ճանաչող բանաձև, և ես հատկապես հպարտ եմ, որ անցյալ դեկտեմբերին երկար տարիների աշխատանքից հետո Սենատն ընդունեց Ցեղասպանությունը ճանաչող բանաձևը։

Այս պատմական իրադարձությունը երբեք հնարավոր չէր լինի իրականացնել առանց ԱՄՆ-ում հայկական համայնքի ջանքերի։

Այս տարի, հետևելով Սենատի օրինակին, վարչակազմը պետք է ճանաչի Ցեղասպանությունը՝ գիտակցելով ճշմարտությունը, որն անհրաժեշտ է հետագայում նման արարքները կանխելու համար։

Ես կոչ եմ անում, որ նախագահ Թրամփը միանա մեզ։

Այլևս երբեք»,-ասվում է տեսաուղերձում։

Մանրամասն՝ տեսանյութում․