«Հայրենիք» հիմնադրամի աջակցությունը Արցախի համայնքների դպրոցներին

«Հայրենիք» հիմնադրամի աջակցությամբ Արցախի Քաշաթաղի շրջանի մի քանի համայնքների դպրոցների աշակերտներն ու ուսուցիչները կկարողանան իրականացնել հեռավար ուսուցումը:

Նոր կորոնավիրուսի պանդեմիայի հետևանքով հեռավար ուսուցման անցած Արցախի Հանրապետության որոշ մարզերում երեխաների մի մասը զրկված էր կրթություն ստանալու հնարավորությունից՝ սոցիլական վիճակի պատճառով: Քանի որ և՛ կրթությունը, և՛ անվտանգությունը «Հայրենիք» զարգացման հիմնադրամի ծրագրային առաջնահերթություններից են,  հիմնադրամի առաջին ծրագիրն իրականացվել է Արցախում: Քաշաթաղի շրջանի Բերձոր, Սուս, Մուշ, Ալաշկերտ համայնքների դպրոցների աշակերտները Հիմնադրամի կողմից նվեր են ստացել 50 սմարթֆոն, որոնք մինչև հեռավար կրթության ավարտը ապահովված կլինեն նաև ինտերնետ կապով: Ուսուցիչների անխափան աշխատանքը հնարավոր դարձնելու համար, հիմնադրամը դպրոցներին է  նվիրելեր նաև համակարգիչներ:

ԱԱԾ նախկին ղեկավար Արթուր Վանեցյանի հիմնադրած «Հայրենիք» զարգացման հիմնադրամի նախաձեռնության նպատակն է՝ օժանդակել հայկական երկրորդ հանրապետության կրթական համակարգին՝ ապահովվելու կրթության շարունակականությունը, լուծելու արտակարգ պայմաններում կրթական գործընթացի արդյունավետ կազմակերպման խնդիրը: