2 տրիլիոն դոլար՝ ԱՄՆ-ում կորոնավիրուսի պատճառով աշխատանքի չգնացողներին և տարբեր բիզնեսներին. Reuters

ԱՄՆ սենատը միաձայն օրինագիծ է ընդունել, որի համաձայն՝ 2 տրիլիոն դոլար է տրամադրվելու կորոնավիրուսի պատճառով աշխատանքի չգնացողներին և տարբեր բիզնեսներին. այս մասին հայտնում է Yerkir.am-ը՝ Reuters լրատվական գործակալությանը հղումով։

Նշվում է՝ այդ գումարից միլիարդավոր դոլարներ տրամադրվելու են անհրաժեշտ բժշկական սարքավորումների ձեռքբերմանը:

Հավելվում է նաև, որ ԱՄՆ նախագահ Դոնալդ Թրամփը խոստացել է ստորագրել օրինագիծը՝ իր աշխատանքային սեղանին հասնելուն պես։

Նման մեծածավալ ու մասշտաբային օրինագիծը երբևէ Կոնգրեսի կողմից հաստատված ամենախոշոր տնտեսական օժանդակությունն է: 2 տրիլիոն դոլարից 500 մլրդը կուղղվի կորոնավիրուսից տուժած բիզնեսներին, միաժամանակ ամերիկյան միլիոնավոր ընտանիքներ կստանան յուրաքանչուրը 3000-ական դոլար: