Թուրքական ԶԼՄ-ներին դուր չի եկել Երուսաղեմի հայկական թաղամասի պատերին փակցված Հայոց ցեղասպանության մասին քարտեզները

Թուրքական Yeni Şafak կայքը, որը հայտնի է իր հակահայկական և այլատյաց քաղաքականության քարոզչությամբ, վրդովվել է, որ Երուսաղեմի հայկական թաղամասում պատերին փակցված են մի քանի քարտեզներ, որոնք պատկերում են Հայոց ցեղասպանության օջախները, իսկ Թուրքիան՝ մասնատված:

Ըստ կայքի՝ այդ քարտեզները փակցվել են հայկական վանքերի մեկի կողմից: «Եթե պարզվի, թե ովքեր են պատռել այդ քարտեզները, կարող են ձերբակալություններ տեղի ունենալ: Որովհետև օկուպանտ Իսրայելը դա կորակի որպես «ազատության վրա հարձակում», - նշում է կայքը՝ հաղորդելով, որ թուրքական որոշ շրջաններ նշվում են որպես Հայաստան կամ Քուրդիստան. հայտնում է Yerkir.am-ը: