«Գարնանը ճանապարհորդելու 17 ամենագեղեցիկ վայրերը». Գյումրին Forbes-ի ցանկում է

Ամերիկյան Forbes հայտնի ամսագիրը հոդված է հրապարակել՝ «Գարնանը ճանապարհորդելու 17 ամենագեղեցիկ վայրերը» վերտառությամբ, որտեղ մնացյալ 16 վայրերի կողքին տեղ է գտել նաև ՀՀ հայրաքաղաք Գյումրին. հայտնում է Yerkir.am-ը:

Հոդվածում նշվում է՝ Գերմանիայից և Հունաստանից դեպի Հայաստանի երկրորդ քաղաք Գյումրի նոր բյուջետային ավիաընկերությունների մուտքով այն վերջապես դիտարկվում է ոչ միայն որպես 1988 թվականի Սպիտակի երկրաշարժի ժամանակ տուժած քաղաք:

«Գարունը հիանալի ժամանակ է այցելելու Գյումրի, քանի որ սաստիկ ձմեռը հեռանում է, և քաղաքը լցվում է ծաղիկներով. այն պատրաստվում է տոնել Զատիկը՝ հյութեղ մրգերով և չամիչ-փլավով»,- նշում է ամսագիրն ու միևնույն ժամանակ հայտնում՝  քաղաքում տեղակայված են գերժամանակակից սրճարաններ և խանութներ, մի շարք մշակութային կենտրոններ, յուրահատուկ վայրեր և այնտեղ են գտնվում Հայաստանի ամենահումորով տեղացիները:

Ամսագիրը հավելում է նաև, որ Գյումրիում պետք է անպայման պանրխաշ փորձել, տեղի թեյարանում՝ թեյեր, այցելել տիկնիկային թատրոն, ինչպես նաև տեղացիների ձեռքով պատրաստված հուշանվերներ գնել:

Բացի Գյումրիից՝ Forbes-ը առաջարկում է այցելել նաև Hunza Valley(Պակիստան),  Լոնդոն (Մեծ Բրիտանիա), Արուբա, The Natchez Trace Parkway (ԱՄՆ) , Death Valley National Park (Կալիֆորնիա), Կուսկո (Պերու) և Վանկուվեր (Կանադա):

Ամբողջական հոդվածն՝ այստեղ.