Զերծ մնացեք ապատեղեկատվությունից. Թեհրանի Առաջնորդարանի Հայոց թեմի ու «Aliq online»-ի հայտարարությունը

«Ալիք օնլայն»-ն իր կայքում հրապարակում է արել՝ անդրադառնալով երեկ՝ մարտի 5-ին, իրանահայ կնոջ մահվան մասին լուրերին: Լրատվականը կոր է արել ԶԼՄ-ների ու հայրենակիցներին զերծ մնալ ապատեղեկատվությունից ու պաշտոնական տեղեկատվությանը հետևել ԱԼԻՔ օրաթերթի, Alikonline-ի և Ազգային առաջնորդարանի կայքի միջոցով. հայտնում է Yerkir.am-ը:

Հայտարարությունում, մասնավորապես, նշվում է. 

«Ցավով տեղեկացանք, որ երեկ՝ մարտի 5-ին Մասիհ Դանեշվարի հիվանդանոցում մահացել է իրանահայ մի կին։
84-ամյա Էլսի Մասիհին հիվանդանոց էր տեղափոխվել սուր շնչառական խնդիրների պատճառով։ Նրա մոտ կասկածվում էր COVD-19 հիվանդությունը։

Հանգուցյալի մահվան պատճառն է՝ H1N1-ը՝ ինֆլուանզան:

Մեր հայրենակիցներին և հայկական ԶԼՄ- ներին հորդորում ենք, որ հավաստի տեղեկություններ ստանալու համար հետևեն միայն ԱԼԻՔ օրաթերթին, Alikonline-ին և Ազգային առաջնորդարանի կայքին»:

Իր հերթին հայտարարություն է տարածել նաև Թեհրանի Առաջնորդարանի Հայոց թեմը, որտեղ ասվում է. 

«Թ. Հ. Թ. Պատգամավորական ժողովը և Թեմական խորհուրդը նկատի ունենալով Իրանում օրըստօրէ զարգացող կորոնավիրուսի տարածումը, հիվանդների թվի ավելացումը և տիրող առողջապահական ճգնաժամը, կազմակերպել են համատեղ խորհրդակցական հանդիպում, վիրուսի կանխարգելման համար աշխատանքներ համակարգելու և նախաձեռնելու մտադրությամբ»:

Ավելի վաղ մամուլում լուրեր էին շրջանառվում՝ Թեհրանում նոր կորոնավիրուսից հայ կին է մահացել:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Մարտի 6-ի ժամը 10.23-ի դրությամբ ողջ աշխարհում հաստատվել է կորոնավիրուսով վարակման 98.385 դեպք, որից 3383-ը՝ մահվան, և 55.423-ը՝ առողջացման: