Վրթանես Սրբազանի դեմ գուցե կոմպրոմատներ կան. ակցիա Արցախի թեմի առաջնորդարանի դիմաց

Արցախի թեմի առաջնորդարանի առաջ հավաքվածները պահանջում են, որ թեմի առաջնորդը ներողություն խնդրի Նիկոլ Փաշինյանի հետ հանդիպելու համար։ Նրանք փորձեցին հեռախոսային կապ հաստատել Սրբազանի հետ, բայց անարդյունք։

Լրագրողների հետ զրույցում փաստաբան Ռոման Երիցյանն ասաց, որ արցախցիները չեն կարող ունենալ այսպիսի հոգևոր առաջնորդ, ով կիսում է Փաշինյանի իշխանության տեսակետը Արցախի վերաբերյալ։

«Արցախի թեմի առաջնորդը բարոյական իրավունք չունի հանդիպելու այն մարդուն, ով պատասխանատու է Արցախի հանձման գործում։ Վրթանես Սրբազանի դեմ հնարավոր է կոմպրոմատներ լինեն, թե ինչպիսիք, ես չգիտեմ։ Գուցե շանտաժ են արել։ Պարզաբանում պետք է ներկայացնի, թե ինչ է եղել», – ասաց փաստաբան Ռոման Երիցյանը։