Քրդական խաղաքարտը Թուրքիային կնստեցնի բանակցությունների սեղանի շուրջը

Սիրիայի և Թուրքիայի միջև հակամարտությունը կարգավորելու համար հարկավոր է գործի դնել «քրդական խաղաքարտը». ըստ yerkir.am-ի՝ «Զվեզդա» հեռուստաալիքի հետ զրույցում կարծիք է հայտնել ռազմական պատմաբան, Հակաօդային պաշտպանության զորքերի թանգարանի տնօրեն Յուրի Կնուտովը:

Ըստ նրա՝ եթե Բաշար Ասադն ու Սիրիայի ժողովուրդը քրդերին ինքնավարություն տալու հարցը բարձրացնեն, ապա նրանք կմարտնչեն Դամասկոսի կողմից:

«Այս պահին քրդերը հնարավորություն ունեն աջակցելու Սիրիայի նախագահին՝ միաժամանակ պահանջելով, որ լիազորությունները, որոնք նրանք ցանկանում են ունենալ, պետք է ընդլայնվեն»,- ասել է պատմաբանը:

Նա համոզված է, որ նման քայլը կհանգեցնի այն բանին, որ Թուրքիայի տարածքում բնակվող քրդերն էլ կսկսեն ակտիվացնել իրենց պայքարը Էրդողանի դեմ, որի արդյունքում Թուրքիան կհայտնվի երկու ճակատով պատերազմելու խնդրի առջև:

«Քրդական խաղաքարտն այսօր շատ կարևոր է, այն հնարավորություն է տալիս լուծելու հակամարտային իրավիճակը և Թուրքիային բանակցությունների սեղանի շուրջը նստեցնելու»,- նշել է Կնուտովը: