Միասին կարող ենք
կարևոր
0 դիտում, 6 տարի առաջ - 2020-03-03 21:10
Հասարակություն

Սամվել Մայրապետյանի նկատմամբ հետախուզում է հայտարարվել

Սամվել Մայրապետյանի նկատմամբ հետախուզում է հայտարարվել

Գործարար, «Հ2» հեռուստաընկերության սեփականատեր Սամվել Մայրապետյանի նկատմամբ հայտարարվել է հետախուզում, ինչպես նաեւ որոշում է կայացվել որպես անձնական երաշխավորություն մուծված գումարը պետական եկամուտ դարձնելու մասին։ Այս մասին Yerkir.am-ին տեղեկացնում են  ՀՔԾ-ից: 

«Մարտի 3-ին Սամվել Մայրապետյանի նկատմամբ հայտարարվել է հետախուզում: Նույն օրը նրա նկատմամբ ընտրված խափանման միջոց անձնական երաշխավորությունը վերացվել է, և ՀՀ հատուկ քննչական ծառայության քննիչի կողմից միջնորդություն է ներկայացվել դատարան` Ս. Մայրապետյանի նկատմամբ կալանավորումը որպես խափանման միջոց ընտրելու համար: Նաև քննիչի կողմից որոշում է կայացվել որպես անձնական երաշխավորություն մուծված գումարը պետական եկամուտ դարձնելու մասին»,- նշեցին ՀՔԾ-ից:

Մայրապետյանին մեղադրանք է առաջադրվել ՀՀ ՔՕ 38-311 հոդվածի հատկանիշներով (կաշառք ստանալուն օժանդակելը):