250 նոր դեպք. կորոնավիրուսը գրոհում է Իտալիան

Իտալիայում կորոնավիրուսով վարակվելու 205 դեպք է հաստատվել, ևս 4 մարդ մահացել է. հայտնում է Yerkir.am-ը՝ Repubblica-ին հղումով:

ԶԼՄ-ի տվյալներով՝ կորոնավիրուսով վարակման դեպքերի մեծ մասը՝ 165-ը, իտալական Լոմբարդիա շրջանում է:

Հավելվում է նաև, որ անհայտ տեսակի կորոնավիրուսը տարածում է գտել նաև Վենետո, Էմիլիա Ռոմանիա, Լացիո և Պիեմոնտ շրջաններում:

Այս պահին Իտալիան աշխարհում կորոնավիրուսով վարակվածների շրջանում թվով երրորդն է՝ Չինաստանից ու Հարավային Կորեայից հետո:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվը Չինաստանում ավելացել է 150-ով՝ հասնելով 2592-ի: Երկրում գրանցվել է վարակման ավելի քան 77.100 դեպք, որից ավելի քան 24․700 մարդ առողջացել է։