ԱՀԿ-ին մտահոգում է Չինաստանի հետ կապ չունեցողների վարակվելը կորոնավիրուսով

Նոր կորոնավիրուսի հայտնաբերումը մարդկանց մոտ, որոնք ակնառու որևէ կապ չունեն Չինաստանի հետ, անհանգստացնում է Առողջապահության համաշխարհային կազմակերպության ղեկավար Թեդրոս Գեբրեյեսուսին. ըստ yerkir.am-ի՝ տեղեկացնում է rosbalt.ru-ն:

Այսպես՝ այս շաբաթ տեղեկացվել է, որ երկու տարեց իրանցիներ են մահացել COVID-19-ից, ընդ որում՝ նրանք դուրս չեն եկել Կում նահանգի սահմաններից և շփումներ չեն ունեցել Չինաստանի քաղաքացիների հետ:

Հիշեցնենք, որ Չինաստանի Ուհան քաղաքում դեկտեմբերին կորոնավիրուսի բռնկում եղավ: Ներկայումս երկրում վարակվածների թիվն անցել է 76 հազարից: Եվս հազար հիվանդ կա այլ երկրներում: Կորոնավիրուսը հանգեցնում է թոքաբորբի: Հիվանդության պատվաստանյութ դեռ գոյություն չունի: