Թուրքիան սկսել է անօդաչու սարքերի արտադրությունը. Էրդողան

Թուրքիայի նախագահ Ռեջեփ Թայիփ Էրդողանը Անկարայում կայացած միջազգային գիտակրթական համաժողովի ընթացքում ելույթ է ունեցել և հայտարարել, որ Թուրքիան սկսել է անօդաչու սարքերի արտադրությունը. տեղեկացնում է Habersitesi-ն:

Թուրքիայի նախագահը հայտարարել է, որ իրենց հաջողվել է արտադրել անօդաչու թռչող սարք՝ իր սպառազինությամբ:

«Երբ այս զինատեսակի մատակարարման համար դիմեցինք ԱՄՆ-ին, մեզ պատասխանեցին, որ հարցը Կոնգրեսում չի հաստատվել: Բայց մի՞թե մենք ռազմավարական գործընկերներ չենք»,- ասել է Էրդողանը՝ նշելով, որ Իսրայելից  գնված 10 անօդաչու սարքերը Թուրքիան հետագայում չի կարողացել վերանորոգել տալ:

«Շնորհակալություն նրանց, այդ հարևանների շնորհիվ մենք սեփական արտադրանքն ունեցան»,- ասել է նա:

Էրդողանի խոսքով՝ Թուրքիան բավական հզոր զրահակիրներ է արտադրում, նաև հույս է հայտնել, որ բարձր տեխնոլոգիական արտադրանքի շնորհիվ պիտի աճեն արտահանման ծավալները: