ՌԴ ՊՆ-ն հայտնել է, որ գիշերը Մոսկվայի շրջանում ուկրաինական ԱԹՍ-ների խոցման մասին

 ՀՕՊ համակարգը մեկ գիշերվա ընթացքում խոցել է ուկրաինական ինքնաթիռային տիպի 158 ԱԹՍ՝ Ռուսաստանի 15 շրջանների երկնքում։ Այս մասին հայտնում է ՌԴ պաշտպանական գերատեսչությունը։

«Անցած գիշերվա ընթացքում Կիևի ռեժիմի կողմից անօդաչու թռչող սարքերի կիրառմամբ Ռուսաստանի Դաշնության տարածքում օբյեկտների ուղղությամբ ահաբեկչական հարձակում իրականացնելու փորձի ժամանակ ՀՕՊ-ի հերթապահ միջոցները ոչնչացրել և որսացել են 158 ուկրաինական ինքնաթիռային տիպի ԱԹՍ»,-ասված է հաղորդագրության մեջ:

ՌԴ ՊՆ-ում հստակեցրել են, որ Կուրսկի մարզի տարածքում գիշերային ժամերին որսացել և ոչնչացրել են 46 ԱԹՍ, Բրյանսկի մարզի տարածքում՝ 34, Վորոնեժի մարզի տարածքում՝ 28, Բելգորոդի մարզի տարածքում՝ 14, ութը՝ Ռյազանի մարզի տարածքում, երկուսը՝ Մոսկվայի տարածքում, յոթը՝ Մոսկվայի մարզում, հինգը՝ Կալուգայի մարզի տարածքում, չորսը՝ Լիպեցկի մարզի տարածքում, երեքը՝ Տուլայի մարզի տարածքում, երկուական ԱԹՍ՝ Տամբովի և Սմոլենսկի մարզերի տարածքում, մեկը՝ Օրյոլի, Տվերի և Իվանովոյի մարզերի տարածքների վրա:

Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով, այդ թվում՝ ԱԹՍ-ների միջոցով, գրոհում են ՌԴ սահմանամերձ շրջանները, մասնավորապես՝ Բելգորոդի, Բրյանսկի, Կուրսկի և Վորոնեժի շրջանները: