Բրիտանական հետախուզությունը հնարավոր է կին ղեկավարի

The Times թերթին հայտնի է դարձել,  թե ով է փոխարինելու  Մեծ Բրիտանիայի արտաքին հետախուզության ծառայությունը՝ ՄԻ-6-ը, 2014-ից ղեկավարող և 2020-ին պաշտոնը լքող Ալեքս Յանգերին. տեղեկացնում է yerkir.am-ը:

Հեղինակավոր պարբերականի տվյալներով՝  ամենահավանական թեկնածուն  ՄԱԿ-ում Բրիտանիայի մշտական ներկայացուցիչ՝ 60-ամյա դիվանագետ Քարեն Փիրսն է: ՄԻ-6-ը ղեկավարելու շանս ունեն նաև երկրի ՆԳՆ անվտանգության ծառայության ղեկավար Թոմ Հարդը, ազգային անվտանգության խորհրդականի տեղակալ Մադլեն Ալեսանդրին և ԱԳՆ քաղաքական տնօրեն Ռիչարդ Մուրը:

Ինչ վերաբերում է Փիրսին, նրան ամեն պարագայում երաշխավորված է բարձր պաշտոնը (լրագրողները նշում են, որ նրա թեկնածությունը պաշտպանում է երկրի վարչապետ Բորիս Ջոնսոնը): Երկրորդ սցենարով նրան հնարավոր է նշանակեն ԱՄՆ-ում Մեծ Բրիտանիայի դեսպան: Երկու դեպքում էլ նա առաջին կինը կլինի այդ պաշտոններում: