Մակրոնը հրաժարվում է նախագահական՝ ցմահ տրամադրվող թոշակից

Ֆրանսիայի նախագահ Էմանուել Մակրոնը հրաժարվել է թոշակից, որը պետք է ստանար նախագահության ժամկետի ավարտից հետո. ըստ Yerkir.am-ի՝ հայտնում է The Guardian-ը`բացատրելով, որ Ֆրանսիայի առաջնորդը այդ որոշումը կայացրել է կենսաթոշակային բարեփոխումների դեմ գործադուլների ֆոնին:

Դեռևս 1955 թվականին ընդունված օրենքի համաձայն՝ Ֆրանսիայի նախկին նախագահները ցմահ ստանում են ամսական €6220 թոշակ:

Մակրոնը դարձել է թոշակից հրաժարված առաջին նախագահը: Միևնույն ժամանակ նա նաև որոշել է հրաժարվել Ֆրանսիայի Սահմանադրական խորհրդի անդամությունից, որն ընդգրկում է երկրի բոլոր նախկին նախագահներին:

Նման որոշման հետևանքով Մակրոնը կկորցնի ամսական €13.500 վճարը:

Այնուամենայնիվ, նման որոշման հարցում նա առաջինը չէ: Մինչ Մակրոնն՝ այդ վճարից հրաժարվել էին նաև Ֆրանսուա Օլանդն ու Նիկոլա Սարկոզին: