Ֆրանսիայի նախագահական ընտրությունների առաջին փուլում հաղթել է Մակրոնը

Ֆրանսիայի նախագահական ընտրությունների առաջին փուլի քվեարկության արդյունքները դեռ մի քանի ժամ առաջ խոսում էին «Ազգային ճակատ»-ի  առաջնորդ Մարի Լը Պենի հաղթանակի մասին, սակայն հետո պատկերը սկսեց փոխվել՝ հօգուտ «Առաջ» շարժման առաջնորդ Էմանուել Մակրոնի. հայտնում է РИА Новости-ն:

 97% քվեների մշակման արդյունքում  Մակրոնը ստացել է 23,86%, Լե Պենը՝ 21,43%:

Նախկին վարչապետ Ֆրանսուա Ֆիյոնն ու Ժան Լյուկ Մելանշոնը ստացել են, համապատասխանաբար, 19,94% եւ 19,62% ձայն: Երկրորդ փուլում նրանք այլևս չեն պայքարի:

Նախագահական ընտրությունների երկրորդ փուլը տեղի կունենա մայիսի 7-ին: Հարցման արդյունքները ցույց են տալիս, որ կհաղթի Մակրոնը: