Խայտառակ քաղաքապետին քննադատելու համար ձեր ամենալավ կադրերից մեկին ինքնապատժում եք․ Արմեն Աշոտյան

Խայտառակ քաղաքապետին քննադատելու համար ձեր ամենալավ կադրերից մեկին ինքնապատժում եք. ըստ Yerkir.am-ի`իր  ֆեյսբուքյան էջում նման գրառում է կատարել ՀՀԿ փոխնախագահ Արմեն Աշոտյանը՝ անդրադառնալով Երեւանի ավագանու անդամ Դավիթ Խաժակյանին հեռացնելու հարցին։

Նա, մասնավորապես, նշել է. 

«Գրպանային ընդդիմության թշվառությունը:

Քիչ է, Նիկոլից եք պաթոլոգիկ վախենում, հիմա էլ խայտառակ քաղաքապետին քննադատելու համար ձեր ամենալավ կադրերից մեկին ինքնապատժում եք:

Հետո ինչ-որ նախարարի դեպքում նման բան կլինի:

Հետո ինչ-որ վարչության պետի:

Հետո ինչ-որ գյուղապետի:

Չէ, տղերք, ձեր «ընդդիմադիր» պատալոկը քաղ.ավիացիայի պետին «սիրուն աղջիկ» ասելն էր:

Հ.Գ. Ավելի լավ չէ՞ր նախորդ գումարման նման 3 մանդատ ունենայիք, բայց արժանապատիվ ու ազատ լինեիք, քան այսօր 18 մանդատի գինը նման կերպով ստիպված, ամոթալի ու պարբերաբար վճարեիք:

Չէ մի չէ, ընդդիմություն... Թան էլ չէ, փրթած մածուն»։

Yerkir.am-ն ավելի վաղ տեղեկացրել էր, որ այսօր Էդմոն Մարուքյանը ֆեյսբուքյան գրառմամբ հայտնել էր, որ խմբակցությունում քննարկման է դրվել Երևանի ավագանիում իր միակ անդամին` Դավիթ Խաժակյանին հետ կանչելու և ավագանիում նրա գործունեության շարունակության նպատակահարմարության հարցը:

Հավելենք նաև, որ այսօր լրագրողների հետ զրույցում Մարուքյանն ու Թանդիլյանը մանրամասնել են նաև, թե որն է Խաժակյանին Երևանու ավագանույց ետ կանչելու պատճառը: