ՆԱՈՒՄ-ը կա ու կլինի Դաշնակցության անշեղ ուղեկիցը՝ հարազատ զավակի նման. Տարոն Ղազարյան

ՀՅԴ Նիկոլ Աղբալյան Ուսանողական միության (ՆԱՈՒՄ) վարչության նախկին պատասխանատու Տարոն Ղազարյանն իր ֆեյսբուքյան էջում, ըստ Yerkir.am-ի, գրում է.

«Դաշնակցությունն անձեռնմխելի արժեք է։ Այն, ինչն այսօր ողողեց մեդիադաշտը և հորթի հրճվանքով տարածվեց հակադաշնակցական տարրերի կողմից, միանշանակ է, որ չի ցնցի Դաշնակցությանը։ Ասածիս ապացույցը 130֊ամյա իրական հեղափոխական ընթացքն է և անցյալում թողած մանր ու խոշոր խնդիրները։

Վերահաստատում եմ երեկ իմ կողմից արված այն պնդումը, որ լրատվամիջոցների կողմից տարածված անստորագիր նամակը և Նիկոլ Աղբալյան ուսանողական միության արդեն նախկին անդամների կողմից հնչեցված պնդումները չեն արտահայտում միության պաշտոնական տեսակետը։