ՏԵՍԱՆՅՈՒԹ. Մոնթե Մելքոնյանն այսօր կդառնար 62 տարեկան

Հայաստանի ազգային հերոս, Արցախի հերոս Մոնթե Մելքոնյանն` Ավոն, այսօր` նոյեմբերի 25-ին, կդառնար 62 տարեկան` հայտնում է Yerkir.am-ը:

Ծնվել է Մեծ Եղեռնից փրկված եւ ԱՄՆ Կալիֆոռնիայի Վիսեյլիա քաղաքում հանգրվանած հայի ընտանիքում։

1991 թվականին եկել է Հայաստան եւ սեպտեմբերին մեկնել Արցախ: Նրա ղեկավարությամբ Մարտունին դարձել էր Արցախի ամենապաշտպանված ու ամենամարտունակ շրջանը։ 1993 թվականի մարտ-ապրիլ ամիսներին նրա ղեկավարությամբ ազատագրվել է նաեւ Քարվաճառը:

Մոնթեն զոհվել է 1993 թվականի հունիսի 12-ին ադրբեջանական զրահամեքենայի կրակոցից, երբ հետախուզության նպատակով մարտընկերների հետ այցելել է Աղդամի շրջանի Մարզիլի գյուղի մատույցներ։ Թաղված է Եռաբլուրում։

Նրա անունով է կոչվում Հայաստանի զինված ուժերի ռազմական ուսումնարաններից մեկը, փողոցներ Հայաստանում եւ Արցախում: