Նախապատրաստվում են նյութեր խոշտանգման առերևույթ հանցագործության դեպքի առթիվ. ՀՔԾ

2019 թվականի նոյեմբերի 21-ին համացանցում տարածվել է խոշտանգման կադրեր պարունակող տեսանյութ, որի կապակցությամբ լրատվամիջոցների տարածած տեղեկատվության համաձայն` ոստիկանության աշխատակիցների կողմից քաղաքացուն խոշտանգելու առերևույթ հանցագործության դեպքը տեղի է ունեցել ՀՀ ոստիկանության բաժանմունքներից մեկում:

Yerkir.am-ին Հատուկ քննչական ծառայությունից հայտնում են, որ խոշտանգման առերևույթ հանցագործության դեպքի առթիվ ծառայությունում նախապատրաստվում են նյութեր:

Yerkir.am-ն ավելի վաղ տեղեկացրել էր, որ մարդու իրավունքների պաշտպանը ևս արձագանքել էր լրատվամիջոցներում տարածված տեսանյութին՝ նշելով, որ պետք է հարուցվի քրեական վարույթ:

Ավելի վաղ ԶԼՄ-նորում տեսանյութ էր տարածվել, որում երևում է, թե ինչպես են ոստիկանները հակագազով և մահակով խոշտանգում մարդուն՝ ցուցմունք կորզելու նպատակով: