ՀՀ-ն չի վաճառվում, պահանջում ենք ուղիղ եթեր ապահովել քննարկման վայրից. Մարինա Խաչատրյան

Այս պահին շարունակվում են Ստամբուլյան կոնվենցիայի դեմ ԱԺ բակում կազմակերպված բողոքի ակցիաներն ու ստորագրահավաքը, որին միացել է նաև նյարդավիրաբույժ, «Երկիր ծիրանի» կուսակցության նախկին անդամ Մարինա Խաչատրյանը. տեղեկացնում է Yerkir.am-ի թղթակիցը:

Նա հայտարարեց, որ իշխանությունների գործողությունները  չեն  բխում ՀՀ քաղաքացիների շահերից:  «ՀՀ իշխանությունները բազմիցս հավաստիացրել են, որ բոլոր գործողությունները տեղի են ունենալու բաց և թափանցիկ ձևաչափով, սակայա մենք տեսնում ենք, որ ամեն ինչ թաքուն և գաղտնի փաստաթղթերով է արվում: Սա անընդունել է ժողովրդավար երկրի համար: Մեր պահանջն է, որ, այս պահից սկսած, լրագրողների համար բացվի  քննարկման մուտքը և ապահովվի ուղիղ եթեր, որպեսզի մենք կարողանանք հետևել, թե ինչ է տեղի ունենում ներսում, ինչ են համոզում, պարտադրում կամ առաջարկում  մեզ: Մենք չենք պատրաստվում վաճառել մեր երկիրը, մենք դեմ ենք բոլոր այն պնդումներին, որտեղ խոսվում է գումարի դիմաց Ստամբուլյան կոնվենցիայի վավերացման մասին: Մեր երկրին այդպիսի կարգավիճակում դնողներին ես այլ կերպ եմ անվանում՝ իրենք են գումարով վաճառվողները, Հայաստանի Հանրապետությունը չի վաճառվում»,- հայտարարեց Մարինա Խաչատրյանը: