ՏԵՍԱՆՅՈՒԹ. Թեղուտի պոչամբարի պատվարը կարող է փլուզվել

Բնապահպանական խնդիրներ լուսաբանող լրագրողները, ինչպես նաև ոլորտի խնդիրներով մտահոգ բնապահպաններն ու մասնագետները  ահազանգում են՝ Թեղուտի պոչամբարի պատվարը կարող է փլուզվել: Միջազգային կազմակերպությունները չեն բացառում, որ Հայաստանում կկրկնվի նույն սցենարն,  ինչ Բրազիլիայի Բրումադինյո պոչամբարի դեպքում էր՝  խլելով մարդկային կյանքեր և անդառնալի կուրուստներ պատճառելով բնությանը։

2018 թ. ապրիլի 27-ին ավստրալական ATC Williams ընկերությունը տեխնիկական հաշվետվություն է ներկայացրել «Թեղուտ» ՓԲԸ-ի պոչամբարի վերաբերյալ և եկել այն եզրակացության, որ պատվարը ծայրահեղ վտանգավոր վիճակում է: Պաչամբարների տեխնիկական սերվիսի սպասարկող ATC Williams ընկերության ուսումնասիրության համաձայն Թեղուտի պոչամբարի պատվարն այս վիճակով կարող է դիմանալ միայն վեց ամիս, որից հետո կփլուզվի. «Թեղուտի պոչամբարն իր ներկա վիճակում էականորեն վտանգավոր է շրջակա միջավայրի, հանքավայրի և ազդակիր համայնքների համար: Որպեսզի պատվարը համապատասխանի ստատիկ և հեղուկացման պայմաններում անվտանգության նվազագույն գործակցի պահանջներին,  անհապաղ կերպով շտկման աշխատանքների իրականացման անհրաժեշտություն կա»:

Թե ի՞նչ է կատարվում Թեղուտի հանքավայրի շուրջ, ի՞նչ աղետալի խնդիրների առջև  կարող են հայտնվել հանքի  հարևանությամբ տեղակայված բնակավայրերն ու էկոմիջավայրը  Yerkir.am-ը լսել  է  «Էկո-մեդիա» լրագրողական ցանցի համահիմնադիր, լրագրող Նարինե Կիրակոսյանի մեկնաբանությունները:

Մանրամասները՝ տեսանյութում

Նվարդ Մանվելյան