ԱՄՆ արդարադատության նախարարությունը Թուրքիայի պետական բանկին մեղադրել է Իրանի հետ գործարքների մեջ

ԱՄՆ արդարադատության նախարարությունը մեղադրանք է ներկայացրել Թուրքիայի Halkbank բանկին Իրանի հետ բազմամիլիարդանոց գործարքներ կնքելու համար՝ հակառակ ամերիկյան պատժամիջոցների. հայտնում է ՌԻԱ «Նովոստի»-ն։

Նյու Յորքի օկրուգային դատարանը քննում է գործը։  Նշվում է, որ Halkbank-ը թուրքական պետական բանկ է։

Արդարադատության նախարարության մամուլի ամփոփագրում նշվում է, որ թուրքական բանկին «մեղադրանք է առաջադրվել խարդախության, փողերի լվացման եւ պատժամիջոցների խախտման վեց կետով՝ կապված դրա՝ Իրանի դեմ ԱՄՆ պատժամիջոցները շրջանցելու բազմամիլիարդանոց սխեմային մասնակցության հետ»։

Մեղադրող կողմը մանրամասնում է նաև, որ Halkbank-ը «պարբերաբար մասնակցել է միլիարդավոր դոլարների ապօրինի շրջանառությանը»՝ կապված Իրանի նավթային եկամուտների հետ, և բանկի ղեկավարությունն անձամբ է կատարել այդ գործարքները։