ՀՅԴ Ճամբարակի կոմիտեի օժանդակությունը սահմանային դիրքերին

ՀՅԴ Ճամբարակի «Անդրանիկ Դանիելյան» կոմիտեության նախաձեռնությամբ Ճամբարակի սահմանային պաշտպանական դիրքերին փոխանցվեցին շուրջ 300 օգտագործված անվադողեր. այս մասին Yerkir.am-ին հայտնեց նույն կոմիտեի նախագահ Գագիկ Աբրահամյանը:

«Անդրանիկ Դանիելյան» կոմիտեի անդամ Մակիչ Խոնդկարյանն էլ մեզ հետ զրույցում նշեց, որ սահմանային դիրքերի ամրացմանն օժանդակելը մշտապես եղել է մնում է իրենց կոմիտության ուշադրության ներքո. «Այսպիսի նախաձեռնությունները, բնականաբար, ոչ առաջինն են, ոչ էլ վերջինը: Մենք սահմանամերձ շրջան ենք և գիտակցում ենք, թե որքան կարևոր է ունենալ ամուր և պաշտպանված սահմանային դիրքեր», - եզրափակեց խոսքը Մակիչ Խոնդկարյանը: