Ռուսաստանն ԱՄՆ-ին մեղադրել է վիզային պատերազմի մեջ

ՌԴ փոխարտգործնախարար Սերգեյ Ռյաբկովը հայտարարել է` Ռուսաստանը չի ցանկանում ԱՄՆ-ի հետ մտնել վիզային պայքարի մեջ, հայտնում է ՌԻԱ «Նովոստի»-ն:

Նա Վաշինգտոնին հիշեցրել է, որ Մոսկվան կարող է պատասխան վիզային միջոցներ կիրառել, թեև չի ցանկանում անել դա:

Ռյաբկովի կարծիքով՝ այս պահին վիզային պատերազմն ընթացքի մեջ է, և այն սկսել է Միացյալ Նահանգները. ռուսաստանցի դիվանագետները չեն կարողանում վիզա ստանալ կարճաժամկետ ու երկարաժամկետ կտրվածքով ԱՄՆ գործուղման մեկնելու համար:

«Մենք ամերիկացիներին առաջարկում ենք պայմանավորվել, այլ ոչ թե շարժվել «Ակն ընդ ական, ատամն ընդ ատաման» սկզբունքով»,-մանրամասնել է նա:

ՌԴ փոխարտգործնախարարը խոստացել է, որ Ռուսաստանը կմտածի համարժեք պատասխանի մասին, եթե ամերիկյան կողմը վերանայումներ չանի: