ՀՅԴ սատարած 80 թեկնածուների մեծ մասն ընտրվել է, հիմնականում՝ գյուղական համայնքներում

Արցախի Հանրապետությունում տեղի ունեցած ՏԻՄ ընտրությունների արդյունքում՝ Աղավնո գյուղում համայնքապետ է ընտրվել ծնունդով Սիրիայի Կամիշլիից, Լիբանանից հայրենադարձված, ՀՅԴ անդամ Անդրանիկ Չավուշյանը։ Այս մասին Yerkir.am-ին հայտնում են ՀՅԴ աղբյուրները:

Դաշնակցությունը հաղթել է նաև Արցախի Աշան, Կաղարծի, Պառավաթումբ, Հացի, Ննգի, Դրախտիկ, Ավետարանոց, Ծոփաձոր, Քաշունիք և Գիշի, Չարեքտար, Նոր էրքեջ, Հավսաթաղ  և մի շարք այլ համայնքներում։

Թաղավարդում հաղթել է ՀՅԴ պաշտպանած թեկնածուն։

Արդեն հայտնել էինք, որ Արցախի Հանրապետության Կենտրոնական ընտրական հանձնաժողովը հրապարակել է երկրում երեկ՝ սեպտեմբերի 8-ին, տեղի ունեցած համայնքի ղեկավարի և ավագանու քվեարկության նախնական արդյունքները։ Ըստ դրանց` Ստեփանակերտում ձայների մեծամասնությունը ստացել է քաղաքապետի թեկնածու Դավիթ Սարգսյանը: Շրջկենտրոններում առավելության են հասել՝ Շուշիում` Արծվիկ Սարգսյանը, Ասկերանում` Սամվել Աղաջանյանը, Մարտունիում` Հայկ Սարգսյանը, Մարտակերտում` Միշա Գյուրջյանը, Հադրութում` Վահան Սավադյանը, Բերձորում` Նարեկ Ալեքսանյանը, Քարվաճառում` Սերգեյ Չիլինգարյանը:

Նախնական արդյունքներին ծանոթացեք այստեղ։