Կարմիր բլուրում գերեզմանները պղծելու կասկածանքով կին է բերման ենթարկվել

«Կարմիր բլուր» գերեզմանատանը տեղի ունեցած պղծման դեպքով մեկ անձ բերման է ենթարկվել, հայտնում են ոստիկանության լրատվական վարչությունից: 

Հերթական անգամ գերեզմանները պղծելու դեպքի մասին ֆեյսբուքյան գրառմամբ տեղեկացրել էր Երեւանի քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանը: Նա նշել էր, որ «Բնակչության հատուկ սպասարկում» կազմակերպությունը դիմել է ոստիկանություն:

Հիշեցնենք, որ ավելի վաղ նմանատիպ դեպք էր տեղի ունեցել նաեւ «Եռաբլուր»-ում ու այլ գերեզմանատներում, ինչի առթիվ մի կին էր բերման ենթարկվել, այնուհետեւ ազատ արձակվել՝ ստորագրությամբ: Մեր տեղեկություններով՝ նոր դեպքով էլ բերման ենթարկվածը նույն կինն է: