Ինչո՞ւ Դոնալդ Թրամփի վարչակազմը պետք է շարունակի մարդասիրական աջակցությունն Արցախին. Արցախի ՄԻՊ

Մեր խաղալիքները զենքերն էին 1991-94թթ. Ադրբեջանի հետ պատերազմի ընթացքում:

Ականի պայթյունի հետևանքով ես կորցրեցի տեսողությունս 1995-ին: Առ այսօր ականի շատ միջադեպեր խլել են բազմաթիվ կյանքեր ու առողջություն (ներառյալ երեխաների):

1998-ից ԱՄՆ-ը սկսեց տրամադրել մարդասիրական աջակցություն Արցախին (տարեկան շուրջ 2 մլն դոլար): 2000-ականներից սկսած՝ դրա մի զգալի մասն ուղղվել է «Հալո Թրասթ» կազմակերպությանը ականազերծման աշխատանքների համար:

Այն մաքրել է ավելի քան 500 ականադաշտ՝ փրկելով անհամար կյանքեր: Ականազերծման աշխատանքները պետք է շարունակվեն մի քանի տարի ևս:

Այժմ Թրամփի վարչակազմը պատրաստվում է դադարեցնել մարդասիրական աջակցությունն Արցախին:

Կոնգրեսականներ Բրեդ Շերմանը և Թիջեյ Քոքսը, ինչպես նաև Ամերիկայի Հայ դատի հանձնախումբը սկսել են մի արշավ՝ հորդորելով ԱՄՆ միջազգային զարգացման գործակալության համակարգող Մարկ Գրինին պահպանել աջակցությունն ու ականազերծման ծրագիրը:

Որպես ականից վիրավորված երեխա և արդեն Մարդու իրավունքների պաշտպան՝ ես միանում եմ «Ականազերծված Արցախ» արշավին»: