Կոնգրեսմեն Քեթրին Քլարքն իր աջակցությունն է հայտնել Արցախին ու Բաքվի ջարդերի ճանաչմանը

ԱՄՆ Մասաչուսեթս նահանգից կոնգրեսմեն Քեթրին Քլարքը ամերիկահայ համայնքին նամակ է հասցեագրել, որում իր աջակցությունն է հայտնում մի համայնքի մի շարք կարևոր քաղաքական ուղղվածություններին. հայտնում է Yerkir.am-ը:

Այդ ուղղվածություններից են՝

-         Ոգեկոչել Բաքվի ջարդերի 30-ամյակը

-         Պատասխանատվության ենթարկել հանցանքն իրագործողներին

-         Աջակցություն Արցախին

-         Աջակցություն Ռոյս-Էնգելսի խաղաղ առաջարկություններին

-         ԱՄՆ-Արցախ կապերի և ուղևորությունների խոչընդոտներին հակազդում

-         Կանխարգելել Թրամփի վարչակազմի կողմից Արցախին տրամադրվող օգնության կրճատումը

-         Շարունակել USAID-ի շրջանակում Արցախի ականազերծման աշխատանքները

-         ԱՄՆ-ի կողմից Ադրբեջանին ռազմական օգնության տրամադրման դադարեցում

Այս նամակների մեծ մասն ուղարկվել է  ի պատասխան ամերիկահայերի նամակների, որոնք ներգրավված են ԱՄՆ Հայ դատի արագ արձագանքման ծրագրում: