Հուրգադա-Երևան չվերթի չեղարկման պատճառով մոտ 100 քաղաքացի մնացել է Եգիպտոսում․ ՀՀ ԱԳՆ

Հուլիսի 25-ին Հուրգադա-Երևան չվերթի չեղարկման պատճառով Եգիպտոսում է մնացել ՀՀ մոտ 100 քաղաքացի։ Այս մասին ասված է ՀՀ արտգործնախարարության Twitter-ի միկրոբլոգում։

«Հուլիսի 25-ին #Հուրգադա-#Երևան թիվ OTF 3703 չվերթի չեղարկման պատճառով Հուրգադայում գտնվում է մոտ 100 ՀՀ քաղաքացի։ Դեսպանությունը ձեռնարկում է բոլոր հնարավոր քայլերը խնդիրը կարգավորելու համար»,-ասվում է գրառման տեքստում։

Դեսպանությունը մշտական կապի մեջ է վերոհիշյալ քաղաքացիների, ինչպես նաև փոխադրող ընկերության հետ և ձեռնարկում բոլոր հնարավոր քայլերը խնդիրը կարգավորելու համար։

Հավելենք նաև, որ Sputnik Արմենիա-ին  Եգիպտոսում ՀՀ հյուպատոսությունից փոխանցված տեղեկատվության համաձայն` չվերթը չեղարկվել է, քանի որ հայաստանցիների ուղևորությունը կազմակեպած հայաստանյան A&R Tour զբոսաշրջային ընկերությունն ավիաըկնկերությանը չի փոխանցել ինքնաթիռի տոմսերի գումարները։

Եգիպտոսում ՀՀ դեսպանության թեժ գիծն է՝ +20 120 705 0580: