Ռուս հատուկջոկատայինի սպանության գործով անցնող անձը, որը կալանավորվել է Հայաստանում, Գրիգոր Օհանյանն է. ТАСС

Հունիսի 2-ի գիշերը մերձմոսկովյան Պուտիլկովո գյուղում ռուս նախկին հատուկջոկատային Նիկիտա Բելյանկինի սպանության գործով անցնող անձը, որին Հայաստանում կալանավորել են հայ իրավապահները, Գրիգոր Օհանյանն է: Այդ մասին  հայտնում է ТАСС-ը՝ իրավապահ մարմիններում իր աղբյուրներին հղումով։

Նա Մերձմոսկվայի Կրասնոգորի շրջանում գտնվող «Բիր Հաուս» բարի սեփականատերն է, որտեղ ծեծկռտուքի ժամանակ սպանվել է Բելյանկինը:

Ըստ այլ աղբյուրի` Օհանյանը լքել է Ռուսաստանի տարածքը դեպքի հենց հաջորդ օրը։

Բելյանկինը  հունիսի 2-ի գիշերը Նովոտուշինի փողոցում գտնվող սրճարանի տարածքում  փորձել է բաժանել ծեծկռտուքի մասնակիցների: Արդյունքում` նա սպանվել է, ևս մեկ տղամարդ` վիրավորվել: