Ըստ Ժիրինովսկիի` Էրդողանն անձամբ իրեն ասել է, որ ցանկանում են դուրս գալ ՆԱՏՕ-ից

Ռուսաստանի Լիբերալ-դեմոկրատական կուսակցություն առաջնորդ Վլադիմիր Ժիրինովսկին Telegram–ով հայտարարություն է տարածել, ըստ որի` հանդիպել է Թուրքիայի նախագահ Ռեջեփ Թայիփ Էրդողանի հետ և նա ասել է, որ ցանկանում է դուրս գալ ՆԱՏՕ-ից:

«Թուրքիայի նախագահ Ռեջեփ Էրդողանի հետ երկու անգամ եմ հանդիպել: Ինձ անձամբ ասել է, որ Թուրքիան ցանկանում է դուրս գալ ՆԱՏՕ-ից: ԵՄ անդամ դառնալ են ցանկանում, սակայն նրանց չեն ընդունում: Իրար հետևից պահանջներ են առաջ քաշում, սակայն չեն ընդունում: Իսկ ՆԱՏՕ-ում առաջին ընդունվողներից էին, որովհետև տարածաշրջանում Ռուսաստանի դեմ գործողություններ իրականացնելու համար հարմար էին»,- Ժիրինովսկիի խոսքերն է մեջբերում «Սպուտնիկի» թուրքական ծառայությունը: