Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
aztagdaily.com- Սուրիական բանակը, ահաբեկչական շարք մը զինեալ խմբաւորումներուն դէմ մղած բուռն բախումներէ ետք, վերատիրացաւ Համայի հիւսիսարեւմտեան գիւղական շրջանին մէջ գտնուող Հմէյմաթ գիւղին ու անոր ռազմավարական բլուրներուն:
Սուրիական բանակը Ժապհաթ Նուսրայի, Թուրքմենական իսլամական կուսակցութեան, չեչեն եւ չին մասնայատուկ ուժերու բուռն յարձակումին դիմաց գիւղէն դէպի անոր մերձակայ պաշտպանողական դիրքեր նահանջելէն մէկ օր ետք հակայարձակումի դիմեց:
Ասայեպ Համրա փաղանգները Ժապհաթ Նուսրայի մասնայատուկ ուժերն են, որոնց շարքերուն մէջ կը գտնուին ասիական, եւրոպական եւ արաբական ծագում ունեցող զինեալներ:
Հմէյմաթ գիւղը կը գտնուի ռազմավարական Մահրատաթ Սքայլապիայի ճամբուն վրայ, որ կը գտնուի Համայի հիւսիսարեւմտեան գիւղական շրջանին Մահրատա եւ Սքայլապիա գիւղերուն միջեւ: