Նա վրացի չէ, նա տղամարդ չէ. վրացիները` Պուտինին հայհոյած հաղորդավարի մասին

Վրաստանի շատ բնակիչներ քննադատել են «Ռուսթավի 2»-ի հաղորդավարին, որն իր հեղինակային ծրագրի ժամանակ հրապարակայնորեն հայհոյել է ՌԴ նախագահ Վլադիմիր Պուտինին. հայտնում է Газета.ру-ն:

Ըստ Նանա անունով բնակչուհու` այդ հաղորդավարը իսկական սադրիչ է: «Նա ցանկանում է, որ ռուս և վրաց ժողովուրդները վերջնականապես խզեն կապերը»,- ասել է նա:

Տարիել անունով քաղաքացին կարծիք է հայտնել, որ հաղորդավարը վրացի չէ, նա տղամարդ չէ: «Նա ոչ թե Պուտինին է նվաստացրել, այլ ինքն իրեն»,- նշել  է նա:

Ոմանք մտավախություն ունեն, որ այդ քայլը կհանգեցնի նոր պատերազմի:

Հիշեցնենք, որ հեռուտաընկերության եթերում կատարվածը դատապարտել են Վրաստանի ԱԳՆ-ն, նախագահ Սալոմե Զուրաբիշվիլին և երկրի վարչապետ Մամուկա Բախտաձեն:

«Ռուսթավի 2»-ի մի շարք աշխատակիցներ ազատվել են աշխատանքից: