Արցախի խորհրդարանում քննարկել են գործող միակ կապի օպերատորի մատուցած ծառայությունների ցածր որակը

«Այս ժամանակահատվածում իմ ու գործընկերներիս կողմից կատարված ուսումնասիրությունների արդյունքում հաջողվել է փաստարկված և հիմնավոր ցույց տալ, որ Արցախում գործող միակ կապի օպերատորի մատուցած ծառայությունները, ի համեմատություն տարածաշրջանում և այլ երկրներում գործող կապի օպերատորների մատուցած ծառայությունների, այս փուլում որակապես զիջում են: Իսկ գնային առաջարկները անհամեմատելի թանկ են: Միաժամանակ, ողջունելի է, որ երկու օր առաջ ԱՀ Հանրային ծառայությունները և տնտեսական մրցակցությունը կարգավորող պետական հանձնաժողովի կողմից ընդունվել է նոր որոշում, համաձայն որի օպտիկամանրաթելային ինտերնետ ծառայությունից օգտվողներն այսուհետ կարողանալու են պայմանագրում ֆիքսել մատուցվող ինտերնետ արագության նվազագույն շեմը»,- մասնավորապես նշել է Գ. Ստեփանյանը:

 

«Ղարաբաղ Տելեկոմ» ընկերության գլխավոր տնօրեն Կարեկին Օդաբաշյանն էլ ասել է, ընկերության կողմից կատարվող ներդրումները սկսվել են դեռևս 2018 թ.-ի չորրորդ եռամսյակում:«Գործընթացը կշարունակվի մինչև տարեվերջ: Առաջիկա մի քանի ամիսների ընթացքում իրականացվելու է տեխնիկական վերազինում, իսկ բաժանորդներին առաջարկվելու են նոր փաթեթներ՝ մատուցվող ծառայությունները և սակագները հանրության պահանջներին համապատասխանեցնելու համար»,- նշել է Կ. Օդաբաշյանը: